అమీర్పేట్లో ఎన్నికల సంఘం పేరుతో సైబర్ మోసం
సైబర్ మోసం: అమీర్పేట్లో ఎన్నికల సంఘం పేరుతో బాధితుడికి మోసం
హైదరాబాద్లోని అమీర్పేట్లో సైబర్ మోసం జరిగింది. ఎన్నికల సంఘం పేరుతో సైబర్ నేరగాళ్లు ఆర్బిఐ రిటైర్డ్ ఉద్యోగిని టార్గెట్ చేసుకున్నారు. ఇసిఐ అధికారి పేరుతో నకిలీ ఎస్ఎమ్ఎస్లు పంపించి, 48 గంటల్లో ఇసిఐ వెరిఫికేషన్ పూర్తి చేయాలని మాయ చేశారు.
ఈ సందర్భంగా సైబర్ నేరగాళ్లు వాట్సాప్ ద్వారా బాధితుణ్ణి సంప్రదించారు. వెరిఫికేషన్ కోసం తొలుత రూ.4 చెల్లించాలని లింక్ పంపారు. బాధితుడు ఎపికె ఫైల్ను క్లిక్ చేయడంతో డౌన్లోడ్ అయింది. వీడియో కాల్లో మాట్లాడి, చెల్లింపు విఫలమైందంటూ మరోసారి రూ.5 పంపించాలని కోరారు.
ఈ ప్రక్రియలో బాధితుని కోటక్ మహీంద్రా బ్యాంక్ ఖాతా నుంచి రూ.3.25 లక్షలు, హెచ్డిఎఫ్సీ బ్యాంక్ ఖాతా నుంచి మరో రూ.2 వేలు మోసగించారు. మోసాన్ని గుర్తించిన బాధితుడు సైబర్ పోలీసులకు ఫిర్యాదు చేశారు. సైబర్ క్రైమ్ పోలీసులు కేసు నమోదు చేసి దర్యాప్తు చేపట్టారు.
ఈ సందర్భంగా పోలీసులు ప్రజలకు హెచ్చరిక చేస్తున్నారు. తెలియని లింకులు, ఎపికె ఫైల్స్ డౌన్లోడ్ చేయొద్దని సూచిస్తున్నారు. అలాగే, ఎవరైనా వెరిఫికేషన్ పేరుతో డబ్బు చెల్లించమని అడిగితే, వారిని నమ్మకూడదని పోలీసులు హెచ్చరిస్తున్నారు.