ఆపిల్ ఐఫోన్ 18 లాంచ్‌కు దాదాపు 10 నెలల ముందే సంచలనాలు సృష్టిస్తోంది. ఈ స్మార్ట్‌ఫోన్ గురించి అనేక వివరాలు లీక్‌లు, పుకార్లు రివీల్ అయ్యాయి.
ఐఫోన్ 18 లాంచ్ ఎప్పుడంటే?
ఐఫోన్ 18 వచ్చే ఏడాది సెప్టెంబర్‌లో లాంచ్ కానుంది. ఆపిల్ ఐఫోన్ 18 ప్రో, ఐఫోన్ 18 ప్రో మాక్స్, ఐఫోన్ ఎయిర్ 2 వంటి సిరీస్‌లోని అనేక ఇతర స్మార్ట్‌ఫోన్‌లతో పాటు ఐఫోన్ 18 వచ్చే ఏడాది భారత మార్కెట్లో లాంచ్ అవుతుంది.
భారత్‌లో ఐఫోన్ 18 లాంచ్ తేదీ, ధర
ఆపిల్ లాంగ్ టైమ్ ట్రెండ్ ప్రకారం ఈ ఐఫోన్ 18 సెప్టెంబర్ 2026 రెండవ వారంలో లాంచ్ అవుతుంది. ధర విషయానికి వస్తే.. ఆపిల్ ఐఫోన్ 17 ముందు వెర్షన్ కన్నా కొంచెం ఎక్కువ ధరను కలిగి ఉంది. ఐఫోన్ 18 మోడల్ కూడా అదే ధర ఉండొచ్చు. భారత మార్కెట్లో ఐఫోన్ 18 ధర సుమారు రూ. 85వేలు ఉండవచ్చు.
ఐఫోన్ 18 కెమెరా, డిజైన్, స్పెసిఫికేషన్లు
- స్మార్ట్‌ఫోన్ డిజైన్ విషయానికొస్తే.. ఆపిల్ ఇటీవలే ఐఫోన్ 17లో కొన్ని మార్పులు చేసింది. రాబోయే ఐఫోన్ 18 కొత్త కలర్ ఆప్షన్లతో లాంచ్ చేయనుంది.
- కెమెరాల పరంగా ఐఫోన్ 18 గత మోడల్స్ మాదిరిగానే మరింత పవర్‌ఫుల్ సెన్సార్లతో డ్యూయల్ రియర్ కెమెరా సెటప్‌ కలిగి ఉంటుంది. సెల్ఫీలు, వీడియో కాల్స్ కోసం 18MP ఫ్రంట్ కెమెరా కూడా ఉండొచ్చు.
- స్పెసిఫికేషన్ల విషయానికొస్తే.. ఆపిల్ ఐఫోన్ 18 మోడల్ 6.3-అంగుళాల ప్రోమోషన్ సూపర్ రెటినా డిస్‌ప్లే కలిగి ఉంటుందని అంచనా. ఈ ఐఫోన్ ఆపిల్ A20 ప్రాసెసర్ ద్వారా పవర్ పొందుతుంది. కనీసం 12GB ర్యామ్, 256GB ఇంటర్నల్ స్టోరేజ్‌తో వస్తుందని భావిస్తున్నారు. అంతేకాదు.. భారీ వాడకంతో రోజంతా పవర్‌ఫుల్ బ్యాటరీ ఛార్జింగ్ అందిస్తుందని అంచనా.