రోహిత్-కోహ్లీల సంచలన రికార్డ్: భారత్-సౌతాఫ్రికా తొలి వన్డే మ్యాచ్ హైలైట్స్
రాంచిలో జరుగుతున్న భారత్-దక్షిణాఫ్రికా తొలి వన్డే మ్యాచ్‌లో టీమిండియా సీనియర్ ఆటగాళ్లు రోహిత్ శర్మ, విరాట్ కోహ్లీలు చోటు దక్కించుకున్నారు. ఈ మ్యాచ్‌తో ఇరువురు అరుదైన ఘనత సాధించారు. వారు భారతదేశం తరపున అత్యధిక అంతర్జాతీయ మ్యాచ్‌లు ఆడిన జోడీగా చరిత్ర సృష్టించారు.
392 మ్యాచ్‌లతో రికార్డ్ బ్రేక్
రోహిత్ శర్మ, విరాట్ కోహ్లీలు తొలి వన్డే మ్యాచ్‌తో కలిపి 392 అంతర్జాతీయ మ్యాచ్‌లలో కలిసి బరిలోకి దిగారు. గతంలో సచిన్ టెండూల్కర్, రాహుల్ ద్రవిడ్‌లు 391 మ్యాచ్‌లతో టాప్‌లో ఉన్నారు. ఇప్పుడు రో-కో జోడి వారి రికార్డును అధిగమించింది.
టీమిండియా తరఫున అత్యధిక అంతర్జాతీయ మ్యాచ్‌లు ఆడిన జోడీలు
- రోహిత్ శర్మ – విరాట్ కోహ్లీ – 392* మ్యాచ్‌లు
- సచిన్ టెండూల్కర్ – రాహుల్ ద్రవిడ్‌ – 391 మ్యాచ్‌లు
- రాహుల్ ద్రవిడ్‌ – సౌరవ్‌ గంగూలీ – 369 మ్యాచ్‌లు
- సచిన్ టెండూల్కర్ – అనిల్‌ కుంబ్లే – 367 మ్యాచ్‌లు
- సచిన్ తెందూల్కర్‌ – సౌరవ్‌ గంగూలీ – 341 మ్యాచ్‌లు
- విరాట్ కోహ్లీ – రవీంద్ర జడేజా – 310* మ్యాచ్‌లు
ద‌క్షిణాప్రికాతో తొలి వ‌న్డేకు భారత తుది జట్టు
రోహిత్ శర్మ, యశస్వి జైస్వాల్, విరాట్ కోహ్లీ, రుతురాజ్ గైక్వాడ్, వాషింగ్టన్ సుందర్, కేఎల్ రాహుల్(కెప్టెన్‌), రవీంద్ర జడేజా, హర్షిత్ రాణా, కుల్దీప్ యాదవ్, అర్ష్‌దీప్‌ సింగ్, ప్రసిద్ధ్ కృష్ణ.
భారత్-సౌతాఫ్రికా సిరీస్‌లో మ్యాచ్‌లను ఫ్రీగా ఎక్క‌డ చూడొచ్చొ తెలుసుకోవాలంటే? ఇక్కడ క్లిక్ చేయండి.
ఈ మ్యాచ్‌లో భారత జట్టు మంచి ప్రదర్శన కనబరిచి, దక్షిణాఫ్రికా జట్టుపై గెలిచి సిరీస్‌లో మంచి శుభారంభం చేయాలని కోరుకుందాం.